Bairns' Rhymes

[Pooks]

Indeed we hiv. Weel spotted. I hiv merged da treeds and changed da topic.

[Ghostrider]

Onybody ivver herd een sed aboot een idda auld mael grindin mills awboddy hed alang da burns? I canna mind im aw noo, bit dey wir a makkin a shapes wi da haund alang wi da sayin.

 

Da twa lines I duh mind güd idder "Up aboot da clapper, an doon aboot da happer", ur vice versa, "Up aboot da happer, and doon aboot da clapper"

 

Da second een maks maist sense, bit dusna soond richt....

 

Da hindmist line of im wis "An da peerie dug güd lick, lick, lick".

 

I think wi da "lick, lick, lick" bit a fingir cam up trow a höl atween twa idder fingirs, and wiggled bak an fore.

 

Anidder een I onlee mind bits oh, an hits harlee muckle o a ryme idder....

 

Hit wis dun an sed ta amuse peerie bairns, sumeen tük a hankie, an den grippit da diagonally apposin nuks atween tuim an fingir, and snuddit im up idda sam wye is you wid drive a skippin rop. Whin he wid snud nae mair da twa lowse nuks wid be idda bicht, you first tuik da twa nuks you wir been haddin an pat atween ee tuim and finger, den grippit da twa lowse nuks idda bicht atween your idder tuim an finger and pooed da snuddit hankie ticht atween da twa up an doon, sae he stuid up idda shape o a pair o auld Dutchman's breeks.

 

Den dey ey sed sum peerie ryme, sumthin aboot "Keiliekrankie....legs athin a hankie".

[trowie246]

Does anyone know a version of this

 

Moo moo mirrie (touch the bairns lips/mouth)

Nose nose nirrie (" " " nose)

Cheek cheek chirrie (" " " cheek)

Ee penny winkie (" " " eyelids)

An ower the brew and far away (said quickly touching the brow and running your fingers over the head fast)

[DePooperit]

I seem ta mind 'chin chin chirrie', bit I canna mind whidder dat cam insted o 'cheek' or if cheek wis in dere tui.

[Mag]

Chin chin cherrie

Mooth mooth merrie

Nose nose nappy

Cheek ckeek chappy

Ee Ee winky

Broo broo brinky

Ower da hills an awy we go!

 

(Weel, yuns wan version o it)